සනීපාරක්ෂාව පිළිබඳ දකුණු ආසියාතික කලාපීය සහයෝගීතා සම්මන්ත්‍රණය සඳහා කලාපීය සනීපාරක්ෂක මධ්‍යස්ථානය විසින් සංවිධානය කරනු ලබන තිරසර සනීපාරක්ෂක විසඳුම් පිළිබඳ කලාපීය සම්මන්ත්‍රණය ශ්‍රී ලංකාවේ දී පැවැත්වීමට රජය තීරණය කර ඇත.
ශ්‍රී ලංකාවේ සත්කාරකත්වය සහිතව 2019 පෙබරවාරි 21 – 23 දක්වා කොළඹ දී පැවැත්වීමට කටයුතු සූදානම් කර ඇත. ඒ සඳහා දකුණු ආසියානු කලාපයේ රටවල නියෝජිතයන්, ක්ෂේත්‍රය පිළිබඳ විශේෂඥයන්, ක්ෂේත්‍රයේ නියැලී සිටින දේශීය, විදේශිය රාජ්‍ය නොවන සංවිධානවල නියෝජිතයින්ගේ සහභාගීත්වය සහිතව පැවැත්වීමට නියමිතය. මේ සම්බන්ධයෙන් නගර සැලසුම්, ජල සම්පාදන හා උසස් අධ්‍යාපන අමාත්‍ය රවුෆ් හකීම් මහතා ඉදිරිපත් කළ කරුණු වලට අමාත්‍ය මණ්ඩලයේ අනුමැතිය හිමි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
