බෞද්ධ විහාරස්ථාන හා ස්මාරක සංරක්ෂණය කිරීමේදී පුරා විද්‍යා දෙපාර්තමේන්තුව සහ විහාරාධිපති හිමිවරුන් අතර ඇති වන ඇතැම් ගැටළුකාරි තත්වයන් නිරාකරණය කිරීම සදහා පියවර ගන්නා බව අග්‍රාමාත්‍ය රනිල් වික්‍රමසිංහ මහතා පවසයි.
ඒ සදහා සංස්කෘතික අමාත්‍යවරයා සමග සාකච්ඡා කොට උචිත වැඩපිළිවෙලක් දියත් කිරීමට ඉදිරියේදී කටයුතු යොදන බවද අග්‍රාමත්‍යවරයා පැවසීය.
අග්‍රාමාත්‍යවරයා මෙම අදහස් පළ කළේ ඊයේ (24) මහනුවරට පැමිණ මල්වතු පාර්ශවයේ මහානායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමිපාණන් වහන්සේ බැහැ දැකීමෙන් අනතුරුවය.
මෙම අවස්ථාව සදහා අමාත්‍ය ලකී ජයවර්ධන, පාර්ලිමේන්තු මන්ත්‍රී පාලිත රංගේ බණ්ඩාර, මහනුවර නගරාධිපති කේසර සේනානායක යන මහත්වරුද සහභාගී වූහ.
DMU/Kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
