ශ්‍රී ලංකාවේ සූර්ය විදුලි බල සංවර්ධන ව්‍යාපෘති ක්‍රියාත්මක කිරීම සඳහා ඉන්දියාවේ ආනයන හා අපනයන බැංකුවෙන් රුපියල් මිලියන 100 ණය පහසුකමක් ලබා ගැනීම පිණිස විදුලි බල, බලශක්ති සහ ව්‍යාපාර සංවර්ධන ඇමති රවී කරුණානායක මහතා ඉදිරිපත් කළ යෝජනාවකට අමාත්‍ය මණ්ඩලය අනුමැතිය ලැබී ඇත.
ඉන්දීය රජය හා ප්‍රංශ රජය විසින් සහාය දෙනු ලබන ජාත්‍යන්තර සූර්ය බල මිත්‍ර සංසදයේ සාමාජිකත්වය ශ්‍රී ලංකාව විසින් ලබා ගෙන තිබේ. ශ්‍රී ලංකාව එහි ගිවිසුමටද අත්සන් කොට ඇත. ඒ අනුව ශ්‍රී ලංකාවේ දූර්ය විදුලි බල සංවර්ධන වැඩසටහන් දියුණු කිරීම සඳහා ඇමරිකානු ඩොලර් මිලියන 100ක ණය පහසුකමක් ලබා දීමට ඉන්දීය රජය එකඟතාව පළකර ඇති අතර මෙම ණය මුදල ලැබෙන්නේ ඒ අනුවය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
