සෞඛ්‍ය, පෝෂණ හා දේශීය වෛද්‍ය අමාත්‍යාංශයේ ප්‍රතිපාදන යටතේ රුපියල් මිලියන 17.5 ක් වැය කර ඉදිකරන මතුගම යටදොලවත්ත මාතෘ සායන ගොඩනැගිල්ලට මුල්ගල තැබීම සහ රුපියල් මිලියන 17.5 ක් වැය කර ඉදිකරන ඉද්දගොඩ මාතෘ හා ළමා සායන ගොඩනැගිල්ලට මුල්ගල තැබීම සෞඛ්‍ය අමාත්‍යවරයාගේ පෞද්ගලික ලේකම් විශේෂඥ වෛද්‍ය සුජාතා සේනාරත්න මහත්මියගේ ප්‍රධානත්වයෙන් පසුගියදා සිදු කෙරිනි.
මෙම මුල්ගල් තැබ්ම් වලින් පසු ගැබිනි මව්වරුන් සදහා ආයුර්වේද ඖෂධ වට්ටෝරුවක් ද පිරිනමන ලදි. මෙම ප්‍ර දේශවල ගැබිනි මව්වරුන් ඉතා දුරබැහැර ගොස් සායන කටයුතුවලට සහභාගිවීමේ දුෂ්කරතාවය මඟහැරවීමේ අරමුණින් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ උපදෙස් මත මෙම සායන ගොඩනැගිලි 02 ඉදිකිරීමට නියමිතය.
මෙම අවස්ථාට එක්සත් ජාතික පක්ෂයේ මතුගම ආසන සංවිධායක ජගත් විතාන මහතා ඇතුලු විශාල පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
