උතුරු නැඟෙනහිර ප්‍රදේශ වල සංවර්ධන කටයුතු ක්‍රියාත්මක කිරීමට මුදල් වෙන් කර තිබෙන බවත් ප්‍රජාතන්ත්‍රවාදය තහවුරු කිරීම අප ලත් ජයග්‍රහනයක් බවත් දෙමළ ජාතික සන්ධානයේ පාර්ලිමේන්තු මන්ත්‍රී ආර්. සම්බන්ධන් මහතා අද (12) පාර්ලිමේන්තුවේ දී අයවැය දෙවැනිවර කියවීමේ විවාදයට එක්වෙමින් පැවසී ය.
උතුරු නැඟෙනහිර ප්‍රදේශ වල සංවර්ධන කටයුතු ක්‍රියාත්මක කිරීමට මුදල් වෙන් කර තිබෙනවා. රට දැඩි ණය උගුලක සිර වී තිබෙනවා.දෙමළ ජනතාවත් අනෙකුත් ජනතව වගේ සංස්කෘතික අනන්‍යතාවයකින් සිටින ජනතාවක්.දෙමළ ජනතාව සම්පූර්ණ සහාය ලබාදෙනවා. අපට හැකි සියලු දේ දේශපාලන විසඳුමක් වෙනුවෙන් සිදු කරනවා. අප කැප වී සිටිනවා . නොබෙදුණු රටක් තුළ දේශපාලන විසඳුමක් ලබාගැනීම අපේ අරමුණයි. රටේ ආර්ථිකයකට මෙය බලපානවා. මේ සඳහා දේශීය ආයෝජන සම්බන්ධයෙන් කටයුතු කරන්නේ කෙසේද කියලා අවධානය යොමු කළ යුතුයි.යැයි ද මන්ත්‍රීවරයා පැවසී ය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
