ආසියානු දේශපාලන පක්ෂවල ජාත්‍යන්තර සමුළුව මාර්තු 05 වනදා කොළඹ දී ආරම්භ කෙරුණු අතර ආසියාවේ සහ යුරෝපයේ දේශපාලන පක්ෂ නියෝජනය කරමින් නියෝජිතයෝ 90 දෙනෙක් පමණ ඊට සහභාගී වූහ. සමුළුව අදින් අවසන් විය.
2000 වසරේ දී පිලිපීනයේ මැනිලා නුවර දී ආරම්භ කළ ජාත්‍යන්තර ආසියානු දේශපාලන පක්ෂ සමුළුව (ICAPP) ආසියා රටවල දේශපාලන පක්ෂවල සංසදයකි.
ආසියානු රටවල අවබෝධය හා විශ්වාසය වැඩිදියුණු කිරීම උදෙසා විවිධ මත දරන දේශපාලන පක්ෂ අතර හුවමාරුව සහ සහයෝගිතාව ප්‍රවර්ධනය කිරීම අරමුණින් සමුළුව වාර්ෂිකව සංවිධාන කෙරෙන අතර මෙවර එය ශ්‍රී ලංකාවේ දී පැවැත්විණි.
සමුළුවට සහභාගී වූ නියෝජිතයන් සමග සුහද කතා බහක නිරත වූ ජනාධිපතිතුමා තමා ද පාර්ලිමේන්තු මන්ත්‍රීවරයෙකු වශයෙන් රටවල් රැසක දී මෙම සමුළුවට සහභාගී වූ අන්දම සිහිපත් කළ අතර එහි දී ඉතා වැදගත් අත්දැකීම් රැසක් තමාට ලබාගැනීමට හැකි වූ බව ද සඳහන් කළේය
