අම්පාර දිස්ත්‍රික්කයේ පවතින තත්ත්වය මත හදිසි තත්ත්වයක් ඇති වුවහොත් ප්‍රතිකාර කිරිම සදහා අවශ්‍ය ඖෂධ සහ ශල්‍ය උපකරණ තොගයක් දිස්ත්‍රික්කයේ රෝහල්වලට කඩිනමින් ලබාදුන් බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පවසයි.
අම්පාර මහ රෝහල, කල්මුණේ උතුර මුලික රෝහල, කල්මුණේ අෂ්රෝෆ් මහ රෝහල සහ ප්‍රාදේශීය ඖෂධ ගබඩා වෙත එම ඖෂධ හා ශල්‍ය උපකරණ සෙනසුරාදා රාත්‍රියේ ම ලබාදුන් බව සෞඛ්‍ය සේවා අධ්‍යක්ෂ ජනරාල්වරයා ප්‍රකාශ කරයි.
තවත් ඖෂධ අවශ්‍ය වුවහොත් කොළඹ වෛද්‍ය සැපයුම් අංශයෙන් ලබාදීමට ද නියමිතය. එම දිස්ත්‍රික්කයේ සියලුම රෝහල්වල සෞඛ්‍ය කාර්ය මණ්ඩල ද ප්‍රතිකාර සේවාවන් සදහා සීරුවෙන් තබා ඇති බව ද සෞඛ්‍ය සේවා අධ්‍යක්ෂ ජනරාල්වරයා සදහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
