පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා-
අප්‍රේල් 21 ප්‍රහාරයට අදාළව ස්ථාන 08ක් සිදු වුණා. ඒ ස්ථාන 08 ක මරාගෙන මැරෙන බෝමබකරුවන් 09ක් සම්බන්ධවෙලා තිබුණා. එම බෝම්කරුවන්ගේ විස්තරත් ඒ වගේම දැනට අපරාධ පරීක්ෂණ දෙපාර්තමේන්තුව සහ ත්‍රස්තවාදී විමර්ශන කොට්ඨාසය භාරයේ සිටින සැකකරුවන් අතුරින් මේ මරාගෙන බෝම්බකරුවන්ගේ සමීපතමයින් කිහිපදෙනෙකුගේ තොරතුරු පිළිබඳවත් මාධ්‍ය වෙත තොරතුරු ලබාදීමටයි සූදානාම් වන්නේ.
කොච්චිකඩේ ශාන්ත අන්තෝනී දේවස්ථානයේ සිදුවූ පිපිරීමේ මරාගෙන මැරෙන බෝම්බකරුවූ අලව්ඩීන් අහමඩ් මුවාත්ගේ (සෙන්ට්‍රල් පාර, මට්ටමක්කුලිය) ඔහුගේ සහෝදරයා මේ වන විට අපරාධ පරීක්ෂණ දෙපාර්තමේන්තුව භාරයේ සිටිනවා. ඔහු මේ ක්‍රියාකාරකමවලට සම්බන්ධන වූණු දායක වුනු පුද්ගලයෙක්. කටුවාපිටිය ශාන්ත සෙබෙස්තියන් දේවාස්ථානයේ මරාගෙන මැරෙන බෝම්බකරු අච්චි මොහොම්මදු මොහොම්මදු හස්තුන්ගේ (AFC පාර, වාලච්චේන) බිරිඳ සාරා යන අය කල්මුනේ සයින්දමර්දුවල සිදුවුණු පිපිරීමේදී ජීවිතක්ෂයට පත්වූ බවට සැක කරනවා. පසුගිය දින මාධ්‍ය හරහා ප්‍රචාරය කළ ඡායාරූප 06 සිටි එක් කාන්තාවක් මේ සාරායන අයයි.
කොළඹ කිංස්බරි හෝටලයේ සිදුවූ පිපිරීමේ මරාගෙන මැරෙන බෝම්බකරු වූ මොහොමඩ් අසාම් මොහොමඩ් මුබාරක්. මොහුට ලිපින දෙකක් තිබෙනවා. (අලුත් යොන් වීදීය, කොළඹ 12 සහ බණ්ඩාරනායක මාවත කොළඹ 12). මේ අන්තවාදී ක්‍රියාකාරකම්වලට සම්බන්ධ මරාගෙන මැරෙන බෝම්බකරුගේ බිරිද මේ වන විට අපරාධ පරීක්ෂණ දෙපාර්තමේන්තුවේ අත්අඩංගුවේ පසුවේ.
ඒ වගේම කොළඹ ෂැංග්‍රිලා හෝටලයේ සිදුවූ පිපිරීම් සිදුකළ දෙදෙනාගෙන් එක් අයෙක් මොහොමඩ් කාසිම් මොහොමඩ් සහරාන් (කුඩයිකරන් පටුමඟ, මොහිදීන් පල්ලිය පාර , කාත්තන්කුඩි) සහරාන්ගේ බිරිදත්, කුඩා දියණියත් කල්මුනේ සයින්දමර්දුවල සිදුවූ පිපිරීමෙන් තුවාල ලබා අම්පාර රෝහලේ පොලිස් ආරක්ෂාව යටතේ සිටී. ඒ වගේම මොහොමඩ් සහරාන් යන අයගේ පියාත් සහෝදරයාත් රිල්වාන් සහ සේයිනි යන දෙදෙනා මේ පිපිරීමෙන් ජීවිතක්ෂයට පත් වූ බවට විමර්ශන නිලධාරීන් සැක කරනවා. ඒ වගේම මොහොමඩ් සහරාන්ගේ රියදුරු ආදම් ලෙබ්බේ නැතිනම් ගපූර් යන අය අපරාධ පරීක්ෂණ දෙපාර්තමේන්තුවේ අත්අඩංගුවේ පසුවේ. ගපූර් යන අය සහරාන්ගේ සහෝදරයෙක් වූ සේයිනි යන අයගේ බිරිදගේ පියා වෙනවා.
ෂැංග්‍රිලා හෝටලයේ අනෙක් බෝම්බකරු වන මොහොමඩ් ඊබ්‍රාහිම් ඉල්හාම් අහමඩ්ගේ ( මහවිල උද්‍යානය, බ්‍රෙස්ලයින්, දෙමටගොඩ) ඔහුගේ පියාවන යූසුප් මොහොමඩ් ඊබ්‍රාහිම් හා ඔහුගේ සහෝදරයින් දෙදෙනෙක් අපරාධ පරීක්ෂණ දෙපාර්තමේන්තුවේ අත්අඩංගුවේ පසුවේ.
මඩකලපුවේ සියොන් දේවස්ථානයේ බෝම්බකරු වූ මොහොමඩ් නසාර් මොහොමඩ් අසාද් (කනත්ත පාර, නවකාත්තන්කුඩි) කොළඹ සිනමන් ග්‍රෑන්ඩ් හෝටලයේ මොහොමඩ් ඊබ්‍රාහිම් ඉන්ෂාෆ් (Inshaf) අහමඩ් (මහවිල උද්‍යානය, බේස්ලයින් පාර, දෙමටගොඩ) ෂැංග්‍රිලා හෝටලයේ පිපිරීම කළ ඉල්හාම්ගේ සහෝදරයෙක්. මොහු වැල්ලම්පිටියේ තඹ කර්මාන්තශාලාවේ හිමිකරු. මොහොමඩ් ඊබ්‍රාහිම් ඉන්ෂාෆ් ගේ බිරිද අපරාධ පරීක්ෂණ දෙපාර්තමේන්තුවේ අත්අඩංගුවේ පසුවේ.
දෙහිවල ට්‍රොපිකඉන් හි සිදුවූ පිපිරීම අබ්දුල් ලතීෆ් ජමීල් මොහොමඩ් ට ලිපින දෙකයි. (වෙලම්බඩ, ගම්පොල /ලංකියාවත්ත වැල්ලම්පිටිය) ඔහුගේ බිරිදගේ සහෝදරයන් දෙදෙනෙකුත් ඇතුළු කිහිපදෙනෙක් ත්‍රස්තවාදී විමර්ශන කොමිසම භාරයේ සිටී.
දෙමටගොඩ මහවිල උද්‍යානයේ බෝම්බ පුපුරුවාගත් තැනැත්තිය ෆාතිමා ඉල්හාම්. (මහවිල උද්‍යානය, බේස්ලයින් පාර, දෙමටගොඩ) ඇය ෂැංග්‍රිලා හෝටලයේදී පුපුරවාගත් ඉල්හාම්ගේ බිරිදයි. මොවුන්ගේ අනන්‍යතාවය තවදුරටත් තහවුරු කර ගැනීම සඳහා DNA පරීක්ෂණ සිදුකරයි.
මේ ත්‍රස්තවාදී කණ්ඩායමේ වත්කම් රැසක් අපරාධ පරීක්ෂණ දෙපාර්තමේන්තුව විසින් අනාවරණය කරගෙන ඇති අතර, එම වත්කම් තහනම් කිරීම සඳහා එම දෙපාර්තමේන්තුව විසින් විමර්ශන ආරම්භ කර ඇත. බැංකු ගිණුම් ඇතුළු මෙම වත්කම් තහනම් කිරීම නෛතික ප්‍රතිපාදන දෙකක් මත සිදු වේ.
1. ත්‍රස්තවාදීන්ට මුදල් සැපයීම මැඩපැවැත්වීමේ සම්මුතිය පනත
2. මුදල් විශුද්ධිකරණය වැළැක්වීමේ පනත
පොලිසිය, පොලිස් විශේෂ කාර්ය බලකාය ත්‍රිවිධ හමුදාම එක්ව කරන ලද ඒකාබද්ධ මෙහෙයුම්, ඒ ඒ පාර්ශවයන් වෙන වෙනම කරන මෙහෙයුම් දිගටම සිදු වේ. අද සමන්තුරෛ ප්‍රදේශයේ සිදු කළ සුවිශේෂී මෙහෙයුමෙන් ඉඩමක වලදා තිබූ සහ නිවසක සඟවා තිබූ ස්වයංක්‍රීය පිස්තෝල අවි 02ක්, මි.මි. 09 සජීව පතොරම් 17ක්, ටී56 සජීව පතොරම් 171 ක්, ජෙලට්නයිට් කූරු 100ක්, ඩෙටනේටර් 200ක් ඇතුළු දේපල රැසක් සහ සැකකරුවන් දෙදෙනෙක් අත්අඩංගුවට ගෙන ඇත.
කල්මුනේ, සමන්තුරෛ සහ චවලකඩෛ පොලිස් වසම්වලට බලපවත්වන පරිදි අද රාත්‍රී 09.00 සිට හෙට අලුයම 05.00 දක්වා පොලිස් ඇදිරි නීතිය ප්‍රකාශයට පත් කරලා තිබෙනවා. සියලුම ආගමික ස්ථානවලට අවශ්‍යතාවයන් අනුව පොලිසිය හා ත්‍රිවිධ හමුදාවත් එකතු වෙලා උපරිම ආරක්ෂාව ලබාදෙනවා. ඒ සඳහා අතිගරු ජනාධිපතිතුමා විසින් නිශ්චිත උපදෙස් ලබාදී ඇත.
මෙම සිද්ධියට අදාළ නොවු කරුණක් ගාල්ල නාගොඩ පොලිස් වසමේ මාපලගම විද්‍යාතිලක පිරිවෙනේ විහාරාධිපති අද ඝාතනයට ලක්කර ඇති අතර විමර්ශන අනුව එම විහාරස්ථානයේ ආවතේව කරන ලද පුද්ගලයෙක් විසින් පුද්ගලික ආරවුලක් මත මෙම ඝාතනය සිදුකර ඇති බවත් සැකකරු පලා යමින් සිටියදී වදුරඹ ප්‍රදේශයේදී අත්අඩංගුවට ගෙන ඇත. යුද හමුදා මාධ්‍ය ප්‍රකාශක බ්‍රිගේඩියර් සුමිත් අතපත්තු විසින් නිකුත් කරන ලද හඞ පටයේ දළ මුද්‍රිත පිටපත
1. ත්‍රිවිධ හමුදාව මේ වන විටත් තම ක්‍රියාන්විත රට පුරා කරගෙන යමින් සිටිනවා.
2. පසුගිය පැය 24 ක කාල පරාසය තුල සෑහෙන ප්‍රමාණයක පරික්ෂා කිරිම්ද, අවි ආයුධ, පුපුරණ ද්‍රව්‍ය අල්ලා ගැනිම් කිහිපයක්ද, අත්අඩංගුවට ගැනීම් කිහිපයක්ද සිදුකර තියෙනවා.
3. එයින්, නැගෙනහිර පලාතේ සමන්තුරේයි ප්‍රදේශයේ සහ කෑගල්ල දිස්ත්‍රික්කයේ කොටියාකුඹුර ප්‍රදේශයේ විශේෂ අත්අඩංගුවට ගැනීම් කිහිපයක් තියනවා. මෙම ආරක්ෂක කටයුතු පොලීසිය සමග සිදුකරනු ලැබු නිසා
මේ අත්අඩංගුවට ගැනීම් පිලිබද වැඩිදුර විස්තර පොලිස් මාධ්‍ය ප්‍රකාශක විසින් ලබාදෙනු ඇත.
නාවික හමුදා මාධ්‍ය ප්‍රකාශක ලුතිතන් කොමාන්ඩර් ඉසුරු සූරියබණ්ඩාර මහතා-
ගතවූ පැය 24 තුල නාවික හමුදාව විසින් දිවයිනේ ප්‍රදේශ රැසක සිය මෙහෙයුම් කටයුතු සිදු කරන ලදී. ඒ අතුරින්, කල්පිටිය ප්‍රදේශයේ සිදුකල සෝදිසි මෙහෙයුමක් අතරතුර නාවික හමුදාව විසින් බෝර තුවක්කු 05ක් උණ්ඩ 59 ක් සමඟ පුද්ගලයින් 05ක් අත්අඩංගුවට ගන්නා ලදී.
තවද, ගාල්ල ප්‍රදේශයේ සිදුකල මෙහෙයුමක් අතරතුර තස්ත්‍රවාදී හා අන්තවාදී ක්‍රියා පිළිබඳ වීඩියෝ දර්ශණ ලඟ තබා ගත් පුද්ගලයෙකු අත්අඩංගුවට ගන්නා ලදී. මේ ආකාරයෙන් පසුගිය දිනවල ආරක්ෂක අංශ මගින් දිවයිනේ විවිධ ප්‍රදේශවල සිදුකල මෙහෙයුම් මඟින් මේ ආකාරයේ අන්තවාදී අදහස් ප්‍රචාරය කරන වීඩියෝ දර්ශණ හා ප්‍රකාශණ අත්අඩංගුවට ගන්නා ලදී. ත්‍රස්ත්‍රවාදයට හේතුවන මෙම අන්තවාදී අදහස් ප්‍රචාරණය ද බරපතල කරුණක් වන බැවින් එවැනි පුද්ගලයින් ගැන වහාම ආරක්ෂක අංශ හා පොලීසිය දැනුවත් කිරීම මහජනතාවගේ ද වගකීමකි.
. තවද, පුල්මුඩේ ප්‍රදේශයේදී වෝටර් ජෙල් නැමැති අධීබලැති පුපුරණ ද්‍රව්‍ය කරල් 2 ක් හා ඩෙටනේටර් 4ක් අත්අඩංගුවට ගන්නා ලදී. මේ ආකාරයෙන් පසුගිය කාලය තුල නාවික හමුදාව විසින් විවිධ අවස්ථාවන් වලදී නීති විරෝධී ධීවර කටයුතු සඳහා යොදාගත් මෙම වෝටර් ජෙල් අති විශාල ප්‍රමාණයක් අත්අඩංගුවට ගන්නා ලද අතර පසුගිය දින අම්පාර ප්‍රදේශයේදී වැටලූ අවි ආයුධ අතර ද වෝටර් ජෙල් නම් පුපුරණ ද්‍රව්‍ය දක්නට ලැබුනි. මෙමගින් ජාතික ආරක්ෂාවට ඇති බලපෑමේ ස්වභාවය ඉන් මනාවට පිළිඹිඹු වේ. එමෙන්ම අද උදෑසන කුරුණෑගල ප්‍රදේශයේ දී බෝක්කුවක් යට සඟවා තිබූ කඩු 02ක් සහ කිනිසි 12ක් ද සොයා ගැනීමට නාවික හමුදාව සමත් වන ලදී.
ගුවන් හමුදා මාධ්‍ය ප්‍රකාශක ගෲප් කැප්ටන් ගිහාන් සෙනෙවිරත්න මහතා
ගතවු පැය 24ක කාලයක් තුල ජාතික ආරක්ෂාව තහවුරු කිරීම සඳහා ශ්‍රී ලංකා ගුවන් හමුදාව විසින් දෛනිකව සිදුකරන ආරක්ෂක විධිවිධාන වලට අමතරව තෝරාගත් ප්‍රදේශයන් වටලා සෝදිසි කිරීමේ මෙහෙයුම් සිදුකරනු ලැබුවා.
. ඒ අනුව ඊයේ පෙරවරුවේදී ශ්‍රී ලංකා ගුවන් හමුදා පාලවි කඳවුර, ශ්‍රී ලංකා යුද හමුදාව, පොලීසිය එක්ව කීරියන්කල්හි, මුලච්චිකුලම්හි නිවාස සෝදිසි කිරීමකදී සැක කටයුතු පුද්ගලයින් 16 දෙනෙකු හා එක් කාන්තාවක් අත්අඩංගුවට ගනු ලැබුවා. මොවුන් පිළිබඳ වැඩිදුර විමර්ශන කටයුතු සඳහා පුත්තලම පොලීසිය වෙත භාරදී තිබුණා.
ඊයේ පස්වරුවේදී ගුවන් හමුදා ඒකල කඳවුර මගින් මුද්‍රණාලවත්ත, කණුවන ජාඇල ප්‍රදේශයේ කරන ලද සෝදිසි මෙහෙයුමකදී එක් පුද්ගලයෙකු අත්අඩංගුවට ගනු ලැබුවා, මොහු වැඩිදුර විමර්ශණය සඳහා ජාඇල පොලිසිය වෙත භාර දෙනු ලැබුවා.
එමෙන්ම ගුවන් හමුදා දියතලාව කඳවුර මගින් බණ්ඩාරවෙල ඇටම්පිටිය ප්‍රදේශය, පාලවි කඳවුර මගින් කල්පිටිය ප්‍රදේශය, කටුනායක කඳවුර මගින් එඩේරමුල්ල ප්‍රදේශයේ අක්බාර් නගරය, අනුරාධපුර කඳවුර මගින් අභයපුර ප්‍රදේශය, කොළඹ කඳවුර මගින් පිටකොටුව ගුණසිංහපුර යන ප්‍රදේශයන්හි සෝදිසි මෙහෙයුම් කරනු ලදී. එහිදී තවදුරටත් විවිධ ස්ථානවල සෝදිසි කිරීමේ මෙහෙයුම් කරනු ලබන අතර, ගුවන් හමුදාව මගින් ජාතික ආරක්ෂාව තහවුරු කිරීම සදහා දෛනිකව විවිධ ආරක්ෂක රාජකාරින් වල නිරත වනවා.
