රටේ පවතින ආරක්ෂක තත්ත්වය යටතේ ජාතික හැදුනුම්පත් ලබාගැනීම සදහා පැමිණෙන සංඛ්‍යාව ඉහළ ගොස් ඇතැයි පුද්ගලයන් ලියාපදිංචි කිරීමේ දෙපාර්තමේන්තුවේ කොමසාරිස් ජනරාල් වියානි ගුණතිලක මහතා පවසයි.
මේ දිනවල දිනකට 2000 කට ආසන්න පිරිසක් පුද්ගල හැදුනුම්පත් ලබාගැනීමට පැමිණෙන බවත් මීට පෙර පැමිණියේ දිනකට 1600 ක් පමණ සංඛ්‍යාවක් බවත් කොමසාරිස් ජනරාල්වරයා රජයේ නිළ පුවත් වෙබ් අඩවියට කීය.
බොහෝ දෙනා රජයේ ආයතනවලට හා ගමන්බිමන් යාමේදී පරීක්ෂාවට ලක්වන බැවින් ජාතික හැදුනුම්පත් ලබා නොගත් අය තුළ මේ දිනවල ඒ සදහා දැඩි උනන්දුවක් පැවතීම නිසා මෙසේ වැඩි පිරිසක් පැමිණෙන බවද ගුණතිලක මහතා තවදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
