නිකුත් කළ නිවේදනයේ මෙසේ ද සඳහන් වෙයි.
විවිධ මාධ්‍ය හරහා මේ රටේ සිදුවී ඇති වත්මන් තත්වය සඳහා මා වෙත දේශපාලන වගකීම් පැවරීම සුදුසු යැයි සඳහන් කිරීම විවිධ පුද්ගලයින් මගින් පළ වී තිබීම මාගේ මවිතයට හා කණගාටුවට හේතු වී ඇත. මා කතෝළික පූජාප්‍රසාදීතුමෙකු හා රඳගුරුතුමෙකු වශයෙන් මාගේ අරමුණ හුදෙක් අධ්‍යාත්මික හා ආගමික් මෙහෙවරක යෙදීම පමණි. මම මේ රටට හා ජනතාවට මෙන්ම අපේ උතුම් වූ සංස්කෘතියට ඉමහත් සේ ආදරය කරමි. එය රැක ගැනීම සඳහා අධ්‍යාත්මිකව මා හට කළ හැකි යමක් වේද , ඒ සඳහා කැපවීම විනා වෙනත් කිසිම බලාපොරොත්තුවක් නැති බව සහතික කරමි.
මාගේ එකම දේශපාලනය දෙවියන් වහන්සේට හා මාගේ අදරණීය ජනතාවට සේවය කිරීමයි. ඒ සඳහා දේශපාලන න්‍යාය ධර්මයන් ඉස්මතු කිරීම හෝ යම් පක්ෂයකට සහයෝගය දීමට හෝ දේශපාලන තනතුරු සඳහා ඉදිරිපත් වීමට කිසිම උත්සාහයක් හෝ අභිලාෂයක් නොමැති බව සඳහන් කිරීමට කැමැත්තෙමි. මා කෙරෙහි විශ්වාසය තබමින් ඇතැම් උදවිය කළ ප්‍රකාශ ගැන මම ස්තූති වෙමි.
එය එතැනින් නවතිනු ඇතැයි බලාපොරොත්තු වෙමි.
