පසුගිය අප්‍රේල් 21 පාස්කු දින රටේ විවිධ ස්ථාන ඉලක්ක කරගනිමින් සිදු කළ ත්‍රස්ත ප්‍රහාර සම්බන්ධයෙන් සොයා බලා පාර්ලිමේන්තුවට වාර්තා කිරීම පිණිස පත් කළ පාර්ලිමේන්තු විශේෂ කාරක සභාව අද (11) දින පාර්ලිමේන්තු සංකීර්ණයේ දී රැස් විය.
පාර්ලිමේන්තු විශේෂ කාරක සභාව වැඩබලන සභාපති ආචාර්ය ජයම්පති වික්‍රමරත්න මහතාගේ ප්‍රධානත්වයෙන් ආරම්භ විය.
මීට පෙර අවස්ථා දෙකක දී විශේෂ කාරක සභාව රැස්විය. අද කාරක සභාව රැස්වන්නේ තෙවැනි දිනටයි. කාරක සභාව හමුවේ සාක්ෂි ලබාදීම සඳහා බස්නාහිර පළාත් හිටපු ආණ්ඩුකාර අසාද් සාලි මහතා අද (11) කාරක සභාව හමුවට පැමිණියේ ය.
වත්මන් ආරක්ෂක ලේකම්, ජාතික බුද්ධි ප්‍රධානි, හිටපු ආරක්ෂක ලේකම්, නිවාඩු ලබා සිටින පොලිස්පතිවරයා මීට පෙර කාරක සභාව හමුවේ සාක්ෂි ලබාදීමට කැඳවා තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
