අපරාධයක වින්දිතයන් සහ සාක්ෂිකරුවන් ආරක්ෂා කිරීම සදහාවූ අධිකාරිය හා හම්බන්තොට දිස්ත්‍රික් ලේකම් කාර්යාලය එක්ව මෙය සංවිධාකය කෙරිණි.
මේ සදහා දිස්ත්‍රික්කයේ ප්‍රාදේශීය ලේකම්වරු,සහකාර ප්‍රාදේශීය ලේකම්වරු,ග්‍රාමනිලධාරීන්,සමෘද්ධිසංවර්ධනනිලධාරීන්,ආර්ථික සංවර්ධන නිලධාරීන්,පරිවාස,ළමාකටයුතු,වනිතා,වැඩිහිටි,උපදේශන,වැනි ක්ෂේත්‍ර රාජකාරි කටයුතු වල නිරත නිලධාරීන් රැසක් සහභාගිවිය.2015 අංක 04 දරණ අපරාධයක වින්දිතයන් සහ සාක්ෂිකරුවන් හට සහායදීමේ සහ ආරක්ෂා කිරීමේ පනත හා ඒ යටතේ පිහිටුවා ඇති අධිකාරිය,ආරක්ෂක කොට්ඨාශයේ කාර්යභාරය,වින්දිතයන්ගේ සහ සාක්ෂිකරුවන්ගේ මනෝවිද්‍යාත්මක පැතිකඩ යන කරුණු ඔස්සේ දැනුවත් කිරීම් සිදුකෙරිණි.මෙම අධිකාරිය පිහිටවූ පසුව සිදුකළ රාජ්‍ය නිලධාරීන් දැන්වත් කිරීමේ පළමු වැඩසටහනය.
අධිකරණ අමාත්‍යාංශයේ හිටපු ලේකම් හා අපරාධයක වින්දිතයන් සහ සාක්ෂිකරුවන් ආරක්ෂා කිරීම සදහාවූ අධිකාරියේ සභාපති ජනාධිපති නීතිඥ සුහද කේ ගම්ලත්, හම්බන්තොට දිස්ත්‍රික් ලේකම් එම්.කේ.බන්දුල හරිශ්චන්ද්‍ර, අපරාධයක වින්දිතයන් සහ සාක්ෂිකරුවන් ආරක්ෂා කිරීම සදහාවූ අධිකාරියේ අධ්‍යක්ෂ ජනරාල් ශ්‍රී ජයවර්ධනපුර විශ්ව විද්‍යාලයේ අපරාධ විද්‍යාව පිලිබද ජේෂ්ඨ කථිකාචාර්ය උදයකුමාර අමරසිංහ, අපරාධයක වින්දිතයන් සහ සාක්ෂිකරුවන්ගේ සහායක සහ ආරක්ෂක කොට්ඨාශයේ සහකාර පොලිස් අධිකාරී එච්.ඒ.ගුණරත්න,උපදේශක අධිකරණ වෛද්‍ය මනෝචිකිත්සක වෛද්‍ය නීල් ප්‍රනාන්දු යන මහත්වරුන් විසින් දේශන හා පැහැදිළි කිරිම් සිදුකෙරිණි.
DMU/Hambanthota
