පොළොන්නරුව, මඩකලපුව මාර්ගයේ වැලිකන්ද ප්‍රදේශයේ දී පසුගියදා සිදු වූ රිය අනතුරින් ජීවිතක්ෂයට පත් අයගේ දේහයන් තැන්පත් කර ඇති වැලිකන්ද, බෝඅත්ත ප්‍රදේශයේ නිවසට (21) පස්වරුවේ ගිය ජනාධිපති ගරු මෛත්‍රීපාල සිරිසේන මැතිතුමා එම දේහයන්ට අවසන් ගෞරව දැක්වීය.
මෙම රිය අනතුරින් මිය ගිය සියලුදෙනා වෙනුවෙන් ඔවුන්ගේ ඥාතීන් සහ ප්‍රදේශවාසින් වෙත ජනාධිපතිතුමා සිය දැඩි සංවේගය පළ කළේ ය.
එමෙන්ම තුවාල ලැබූවන්ගේ ප්‍රතිකාර කටයුතු සහ ඔවුන්ගේ පවුල්වල තොරතුරු පිළිබඳව ද සොයා බැලූ ජනාධිපතිතුමා අනතුරට පත් සියලුදෙනාගේ පවුල්වල සුබසාධනය සහ දරුවන්ගේ ඉදිරි අධ්‍යාපන කටයුතු වෙනුවෙන් අවශ්‍ය සහයෝගය ලබාදීමට ද නිලධාරින්ට උපදෙස් දුන්නේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
