අප්‍රේල් 21 වැනි දින ශ්‍රී ලංකාවේ විවිධ ස්ථානවල සිදු වූ ත්‍රස්තවාදී ප්‍රහාර පිළිබඳ සොයා බලා පාර්ලිමේන්තුවට වාර්තා කිරීම සඳහා වන පාර්ලිමේන්තු විශේෂ කාරක සභාව අද (28) පාර්ලිමේන්තුවේ දී රැස්වීමට නියමිතය.
මෙම කාරක සභාවේ සභාපති නියෝජ්‍ය කතානායක ආනන්ද කුමාරසිරි මහතාගේ ප්‍රධානත්වයෙන් අද දින ද කාරක සභාවේ කටයුතු ඇරඹේ.
කාරක සභාව ඉදිරියේ සාක්ෂි ලබාදීමට කර්මාන්ත හා වානිජ කටයුතු අමාත්‍යාංශයේ හිටපු අමාත්‍ය රිෂාඩ් බද්යුදීන් මහතට කැඳවීමක් කර තිබේ. පසුගිය දින (26) කාරක සභව හමුවේ හිටපු අමාත්‍යවරයා පෙනී සිටි අතර එදින සාක්ෂි විමසීමක් නොකොට අද (28) දින පෙනී සිටින ලෙස දන්වන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
