ජාතික මත්ද්‍රව්‍ය නිවාරණ සතිය ජුනි 26 වන දින සිට ජුලි 01 දක්වා දීප ව්‍යාප්ත ක්‍රියාත්මක වු අතර අද (01) එහි අවසන් දිනයයි. මිට සමගාමි ව එහි අවසන් මහා සමුළුව ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් කොළඔ, සුගතදාස ගෘහස්ත ක්‍රිඩාංගනයේ දි පැවැත්විය.

මෙහි දි අදහස් දැක් වු සෞඛ්‍ය,පෝෂණ හා දේශිය වෛද්‍ය අමාත්‍ය වෛද්‍ය රාජිත සේනාරත්න මහතා පැවසුවේ, ජාතික මත්ද්‍රව්‍ය නිවාරණ වැඩ පිළිවෙළ එළි දක්වන අද දවසේ මෙම උත්සවයට ආරාධනා කිරිම සම්බන්ධයෙන් ජනාධිපතුමාට ස්තුතියි වන්ත වෙනවා.අපි මේ සටන ආරම්භ කළේ, 2015 ජනවාරි 08 වන දින ඇති කළ මේ වෙනසයි.එදා සෞඛ්‍ය අමාත්‍යවරයා වශයෙන් ජනාධිපති මෛත්‍රිපාල සිරිසේන මහතා ඉන්න වෙලාවේ මෙම මත්ද්‍රව්‍ය නිවාරණය සම්බන්ධයෙන් විවිධ ක්‍රියාමාර්ග ගත්තා.ඒ සිගරට් සම්බන්ධයෙන් රූපමය අවවාදය 85%ක් යෝජනා වුවද,ඊට එරෙහිව සිගරට් සමාගම් නඩු පැවරුවා.ඊට පස්සේ ශ්‍රේෂ්ඨාධීකරණයට සිගරට් සමාගම් ගිය විට එය 60%ක් දක්වා එය අඩු කලා.පාර්ලිමේන්තුවෙන් සම්මත කළ පනතක් නීතියෙන් වෙනස් කරන්න බැ.අර්ථකයක් විතරයි දෙන්න පුළුවන්.ඒත් ඒ කාලේ ජනාධිපතිවරයා ඒකත් කළා.

පසුගිය මැතිවරණයෙන් අපි මේවා එළි දරව් කළා.ඒවා විසදන්න තමයි අපි ජනවරම ගත්තේ.එදා ඉදලා අද වෙනකල් මම ඒවා දිගම කරගෙන යනවා.ලෝක සෙඛ්‍ය සංවිධානයේ දුම්ටෙකාළ ප්‍රඥප්තියේ ඒකක 22න් 20 මේ වන කොට අපි ඉටු කරලා ඉවරයි.මෙහෙම කරපු එකම රට ශ්‍රි ලංකාව විතරයි.මේ වෙන කොට චින සිගරට් ලංකාවට ගේන්න හදනවා.ඒකට හේතු විදියට කියන්නේ හොරෙන් ගේන්න හදන ඒවා නිති ගත කරන්න හදනවා කියලා.ඒකට රේගුව තියෙනවා.පොලිසිය තියෙන්නේ ඒවා මර්දනය කරන්න.අල්ලවන්න. මෙවැනි දේවල් කරන රජයක මටවත්,ජනාධිපතිවරයාවත් ඉන්න බැ.කිසිම දවසක මත්ද්‍රව්‍ය ප්‍රවර්ධනය කරන නීතියකට අපි එන්නේ නෑ.මේ රජය එවැනි පොරොන්දු ගොඩක් ඉටු කරලා තියෙනවා.ඒක ආපස්සට හරවන්න අපි ඉඩ දෙන්නේ නෑ.අතිගරු ජනාධිපතිතුමාගේ සටනට මම සුබ පතනවා වගේ ම ඊට පූර්ණ සහයෝගය ලබා දෙනවා යැයි ද අමාත්‍යවරයා පැවසීය.