2002 වර්ෂයේ ආරම්භ කරන ලද සමෘද්ධි නිවාස ලොතරැයිය දිනුම් ඇඳීමේ වැඩසටහනට අදාළව මේ වන විට ලබා දී ඇති නිවාස සංඛ්‍යාව 28,934 කි. ආරම්භයේ දී එක් නිවසක් සඳහා රුපියල් එක් ලක්ෂ පනස්දහසක් ලබා දුන් අතර මේ වන විට එය ලක්ෂ දෙකක් දක්වා වැඩි කර ඇත. ලොතරැයිය දිනුම් ඇඳීම හරහා නිවාස තුන්සිය තිස් එකක් දෙනා බිහිවන අතර, දෙන මුදල රුපියල් මිලියන 66.2 කි.

විශේෂ අවශ්‍යතා සහිත උදවිය සඳහා සහ ආබාධ සහිත වූවන්ට, නිදන් ගත රෝග වලින් පෙළෙන අය සඳහාද මෙම මුදල් ආධාරය ලබා දීම විශේෂයක් වන අතර නිවසක් හිමි අයට තම නිවස අලුත්වැඩියා කර ගත හැකි අතර, නොඑසේ නම් එම මුදල ස්වයං රැකියා ව්‍යාපාරයක් සඳහා යෙදවිය හැක. පූජනීය ස්වාමීන් වහන්සේලා, පූජක තුමන්ලා මෙහෙණින් වහන්සේලා වෙනුවෙන් ලොතරැයි ජයග්‍රහණ හිමිවු විට ප්‍රාදේශීය ලේකම්වරුන්ගේ අවසරය පරිදි මෙම මුදල් ලබා ගත හැක.