වත්මන් රජය පත් වීමෙන් පසු කරුංකා පුවක් ආනයනය අධෛර්යට පත් කිරීමට කටයුතු කර ඇතැයි ප්‍රාථමික කර්මාන්ත සහ සමාජ සවිබලගැන්වීම් අමාත්‍ය දයා ගමගේ මහතා අද (12) පාර්ලිමේන්තුවේ දී පැවසීය.
පාර්ලිමේන්තු මන්ත්‍රී කනක හේරත් මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.
වසර 2015 මෙක්ට්‍රික් ටොන් 12657ක 2018 දී මෙ.ටො.12117ක පුවක් ඵලදාවක් වාර්තා වී තිබේ. ශ්‍රී ලංකාව විසින් වසර 2015 දී කරුංකා පුවක් මෙ.ටො. 29645ක් සහ 2018 දී මෙ.ටො.4947ක් අපනයනය කර ඇතැයි අමාත්‍යවරයා පවසයි. කරුංකා පුවක් ජාවාරමක් 2013-2014 කාලයේ සිදු වූ බව කී අමාත්‍යවරයා 2015 ආණ්ඩුව පත් වීමෙන් පසු කරුංකා පුවක් සොරකම නවතා දැමීමට පියවර ගත් බවද සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
