ජාතික ප්‍රතිපත්ති, ආර්ථික කටයුතු, නැවත පදිංචිකිරීම් හා පුනරුත්තාපන, උතුරු පළාත් සංවර්ධන, වෘත්තිය පුහුණු හා නිපුණතා සංවර්ධන සහ යෞවන කටයුතු අමාත්‍යංශය මගින් ක්‍රියාත්මක කර ඇති මෙම වැඩසටහන යටතේ දිවයින පුරා රැකියා විරහිත උපාධිධාරින් 16, 800 ක් අභ්‍යාසලාභී පුහුණු නිලධාරීන් ලෙස අලුතින් පත්වීම් ලබාදීමේ සමාරම්භක උත්සවය 2019 ජුලි 30 වැනිදා අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් අරලිය ගහ මන්දිරයේ දී පැවැත්වු අතර එයට සමගාමිව දිස්ත්‍රික් මට්ටමින් මෙම උත්සවය සංවිධානය කර තිබේ.
මෙහිදි නුවරඑළිය ප්‍රාදේශිය ලේකම් කොට්ඨාශයට පත්වීම් 21 ක්, හගුරන්කේත ප්‍රාදේශිය ලේකම් කොට්ඨාශයට පත්වීම් 90 ක්. අඹගමුව ප්‍රාදේශිය ලේකම් කොට්ඨාශයට පත්වීම් 25 ක් සහ වලපනේ ප්‍රාදේශිය ලේකම් කොට්ඨාශයට පත්වීම් 37 ක් සහ කොත්මලේ ප්‍රාදේශිය ලේකම් කොට්ඨාශයට පත්වීම් 45 ක් ලබාදීමට නියමිත බව දිස්ත්‍රික් ලේකම් එම්.බි.ආර්. පුෂ්පකුමාර මහතා පැවසීය
