ඒ මහතා මේ බව පැවසුවේ (15)දින මහනුවර පැවති ප්‍රවෘත්ති සාකච්ඡාවකට එක්වෙමිණි.
සංවිධානාත්මකව ජාත්‍යන්තර ජාලයක් තුළ ක්‍රියාත්මක වන කණ්ඩායමක් සිටින අවස්ථාවක අත්අඩංගුවට ගැනිම් අද පමණක් නොව හෙට ද සිදුවිය හැකිය. මෙවැනි සංවිධානාත්මක ජාලයක් සම්පුර්ණයෙන්ම මර්දනය කළ රටක් ලෝකයේ කොතැනක හෝ නොමැති බව ඔහු පෙන්වා දුන් ඒ මහතා, ජාතික ආරක්ෂාව පිළිබඳව කිසිදු ගැටඵවක් නැතැයි ද වැඩිදුරටත් සඳහන් කර සිටියේය.
සතුරාගේ ස්වභාවය වෙනස් වී තිබුණත් ඒ සදහා මුහුණදිමට හමුදාවේ ශක්තිය ඉහළ නංවා තිබෙන බවත් පාස්කු ප්‍රහාරයෙන් පසු කෙටි කාලයකදි ත්‍රස්තවාදි කටයුතු පාලනය කිරිමට ශ්‍රි ලංකා යුද හමුදාවද පෙරමුණ ගෙන ක්‍රියා කළ බවත් පැවසූ ඒ මහතා, ඉදිරියේදි බිහිවන සතුරා යුද භූමියක නොව ජනතාව අතරින් මතුවන සතුරෙකු විය හැකි යැයිද පැවසීය.
