පසුගිය ජූලි මස 22 සහ 23 දෙදින ඇතිවූ අධික සුළං තත්ත්වය හේතුවෙන් විපතට පත් වූ ජනතාව වෙනුවෙන් වන්දි මුදල් ප්‍රදානය කිරීම අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන මහතාගේ ප්‍රධානත්වයෙන් සිදු කෙරිණි.
පසුගිය ජූලි මස 22 සහ 23 දෙදින ඇතිවූ අධික සුළං තත්ත්වය හේතුවෙන් අක්මීමණ, බෝපේ පෝද්දල, ඉමදුව, හබරාදුව, කරන්දෙණිය, වැලිවිටිය දිවිතුර හා නාගොඩ ප්‍රාදේශීය ලේකම් කොට්ඨාසයන්හි විපතට පත්වූ පවුල් 367සඳහා (15) දින රුපියල් 3,499,930.00ක් වටිනා චෙක්පත් අමාත්‍යවරයාගේ සුරතින් ප්‍රදානය කෙරිණි.
මෙම අවස්ථාව සඳහා ගාල්ල දිස්ත්‍රික් සම්බන්ධීකරණ කමිටු සභාපති පාර්ලිමේන්තු මන්ත්‍රී විජේපාල හෙට්ටිආරච්චි මහතා ද හිටපු අමාත්‍ය ගුණරත්න වීරකෝන් මහතා ඇතුළු ප්‍රාදේශීය දේශපාලනඥයන් රැසක් ද සහභාගී වී සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
