රුපියල් මිලියන 108ක වියදමින් ඉදිවූ මෙම නව වාට්ටු සංකීර්ණය මධ්‍යම පළාත් ආයුර්වේද දෙපාර්තමේන්තුව විසින් පළාත් නිශ්චිත සංවර්ධන ප්‍රධාන ආයෝජන යටතේ ඉදිකරනු ලැබ ඇත.

මෙතෙක් පළාත් ආයුර්වේද රෝහල සදහා පැවතියේ ඇදන් 100ක් වන අතර මෙම නව වාට්ටු සංකීර්ණය කාන්තාවන් සදහා ඇදන් 50ක් හා පිරිමින් සදහා ඇදන් 50ක් වශයෙන් නව ඇදන් 100 කින් සමන්විතව ස්ථාපනය කර ඇත. මේ හේතුවෙන් රෝහල තුළ ඇදන් සදහා පැවති තදබදය අඩු වන අතර ඇදන් 200කින් යුත් අෂ්ඨාංග ආයුර්වේදය පිහිටවනු ලබන එකම රෝහල බවට මෙම රෝහල පත්වනු ඇතැයි මධ්‍යම පළාත් ආයුර්වේද කොමසාරිස්වරයා ප්‍රකාශ කරයි.