දිවයිනට පැමිණ සිටින ජාත්‍යන්තර කි‍්‍රකට් කවුන්සලයේ සභාපති ශෂාන්ක් මනෝහර් මහතා ඊයේ (24) පස්වරුවේ ජනාධිපති මන්දිරයේ දී ජනාධිපති ගරු මෛතී‍්‍රපාල සිරිසේන මැතිතුමා හමු විය.
ශ්රී ලංකාවේ කි‍්‍රකට් ක්‍රීඩාව ඉදිරියට ගෙනයාම සඳහා අවශ්‍ය සියලු සහය ලබාදෙන බව මෙහිදී සභාපතිවරයා ජනාධිපතිතුමා හමුවේ ප‍්‍රකාශ කළේය.
ශ්රී ලංකාවේ සංචාරයක නිරතවීම පිළිබඳ සභාපතිවරයා වෙත ස්තූතිය පළ කළ ජනාධිපතිතුමා කි‍්‍රඩාව දේශපාලන මැදිහත්වීම් හා බලපෑම්වලින් තොරව ඉදිරියට ගෙන යාමේ වැදගත්කම ද අවධාරණය කළේය.
පාර්ලිමේන්තු මන්තී‍්‍ර තිලංග සුමතිපාල, ශ්රී ලංකා කි‍්‍රකට් ආයතනයේ සභාපති ෂම්මි සිල්වා යන මහත්වරුන් ද මෙමඅවස්ථාවට එක්ව සිටියහ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
