පළාත් මට්ටමින් සිදු කරන මෙම ව්‍යාපෘතිය මඟින් නුදුරේ දී උතුරු නැගෙනහිර පළාත් ආවරණය කිරීමට ද නියමිත බව ද ඒ මහතා පැවසීය. ඒ මහතා මේ බව පැවසූයේ, රජයේ ප්‍රවෘත්ති දෙපාර්තමේන්තු ශ්‍රවණාගාරයේ දී (05) පැවති මාර්ග සංවර්ධන අධිකාරියේ සංවර්ධන කටයුතු පිලිබඳ ව මාධ්‍ය දැනුවත් කිරීමට එක් වෙමිනි.
මධ්‍යම අධිවේගී මාර්ගයේ සංවර්ධන කටයුතු පිලිබඳ ව ද මෙහි දී සාකච්ඡා කෙරිණි. ඒ අනුව, අදියර හතරකින් සමන්විත මධ්‍යම අධිවේගී මාර්ගයේ සංවර්ධන කටයුතු වලින් අදියර දෙකක වැඩ මේ වන විට අවසන් කර ඇති බවත්, එකී අදියරයන් හි පළමු අදියර ලෙස කඩවත සිට මීරිගම දක්වා ද (39 km), දෙවන අදියර ලෙස මීරිගම සිට කුරුණෑගල දක්වා (40 km) ද වශයෙන් සංවර්ධන කටයුතු නිමාවට පත් කර ඇති බවත්, එකී සංවර්ධිත කටයුතු මෙම වසරේ නොවැම්බර් මස නිම කිරීමට නියමිත ව තිබූ නමුත් පාස්කු ප්‍රහාරයත් සමඟ සංවර්ධිත කටයුතු ප්‍රමාද වූ බැවින් ලබන වසරේ මාර්තු මස අග වන විට ජනතා අයිතියට පත් කිරීමට කටයුතු සුදානම් කර ඇති බවත් ඒ මහතා පැවසිය.
පළමු අදියර සඳහා ඩොලර් මිලියන 968 ක පමණ ණය මුදලක් චීනයේ Exceed බැංකුවේ ණය ආධාර මත ලැබී ඇති බවත්, එය රටකට ලබා ගත හැකි විශාලතම ණය ප්‍රමාණයක් බවත් එහි දී සඳහන් කෙරිණි. තුන්වන අදියර ලෙස මීරිගම-කුරුණෑගල අතර පොතුහැර ආසන්නයෙන් අධිවේගී මාර්ග හැරවුමකුත් සමඟ ගලගෙදර දක්වා අවුරුදු 03 කින් නිම කිරීමටත්, හතරවන අදියර ලෙස කුරුණෑගල සිට දඹුල්ල දක්වා ඉදිකිරීමටත් සැලසුම් කර ඇති බවත්, එකී සියලු සංවර්ධිත කටයුතු සියල්ල රටට හානිදායක නොවන අයුරින් සහ ජනතාවගේ සුභසිද්ධිය ද සැලකිල්ලට ගනිමින් සිදු කළ යුතු බවත්, ඒ අනුව අදියර තුනකට අදාළ ඉඩම් අත්පත්කර ගැනීමේ කටයුතු 95 % ක් අවසන් කර ඇති බවත් සඳහන් විය.
කැළණි පාලමේ සංවර්ධිත කටයුතු ද ලබන වසරේ අගෝස්තු මස දී නිම කිරීමට නියමිත බවත්, රුවන්පුර අධිවේගී මාර්ගයේ සැලසුම් අවසන් කර ඇති බවත්, වරාය උස් වූ පිවිසුම් මාර්ගය නමින් නව ව්‍යාපෘතියක් ද ආරම්භ කිරීමට නියමිත බවත් ඒ මහතා වැඩිදුරටත්හි මෙහි දී සඳහන් කරනු ලැබීය.
ඒ අනුව එකී විවිධ සංවර්ධිත ව්‍යාපෘති සඳහා මේ වන විට බිලියන 300 කට අසන්න ප්‍රමාණයක සංවර්ධන කටයුතු මාර්ග සංවර්ධන අධිකාරිය මඟින් පමණක් සිදු කොට ඇති බවත් සඳහන් විය. මෙම මාධ්‍ය හමුව සඳහා නීතිඥ සුදර්ශන ගුණවර්ධන මහතා ද සහභාගී විය.
