රටපුරා සිටින කුඩා හා මධ්‍යම පරිමාණ ව්‍යවසායකයින් දිරිගැන්වීම හා නව ව්‍යවසායකයන් බිහි කිරීම අරමුණු කරගනිමින් රජය විසින් ක්‍රියාත්මක කර ඇති එන්ටර්ප්‍රයිස් ශ්‍රී ලංකා වැඩසටහනේ තෙවන ප්‍රදර්ශනය අද යාපනය මුට්‍රවේලී පෙදෙසදී ආරම්භ කිරීමට මේ වනවිට සියලු කටයුතු සූදානම් අතර මුදල් අමාත්‍ය මංගල සමරවීර මහතා එහි නිරීක්ෂණයකට එක්විය.
මෙම ප්‍රදර්ශනය සැප්තැම්බර් 07 සිට 10 දක්වා පෙරවරු 10.00 සිට මධ්‍යම රාත්‍රී 12.00 දක්වා සිව් දිනක් පුරා පැවැත්වීමට නියමිතය. කලාප 9 ක් යටතේ පැවැත්වෙන මෙම ප්‍රදර්ශනය භූමීය තුළ රාජ්‍ය හා පෞද්ගලික අංශයේ ප්‍රදර්ශන කුටි 450 ක් පමණ ස්ථාපිත කර ඇත. යාපනය දිස්ත්‍රික්කය ඇතුලු උතුරු පළාතේ කෘෂීකාර්මික, ධීවර, කර්මාන්ත හා සංචාරක ක්ෂේත්‍රයන්ට අදාළ ව්‍යවසායක දිරිගැන්වීම් හා මගපෙන්වීම් ලබාදීම මෙම ප්‍රදර්ශනයේ ප්‍රධාන අරමුණ වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
