2019 ජනාධිපතිවරණයේ දී කොළඹ දිස්ත්‍රික් මැතිවරණ කටයුතුවල සූදානම පිළිබඳව කොළඹ දිස්ත්‍රික් තේරීම්භාර නිලධාරී සුනිල් කන්නන්කර මහතා විශේෂ ප්‍රකාශයක් සිදු කරමින් මේ බව පැවසීය.
කොළඹ දිස්ත්‍රික්කයේ ඡන්ද දායකයින් දහසය ලක්ෂ හැත්තෑදාස් තුනක් ඡන්දය භාවිතා කිරීමට නියමිතව තිබෙනවා. මින් 33922ක් තැපැල් ඡන්ද දයකයින් හැටියට ඡන්දය භාවිතා කිරීමට නියමිතයි. තැපැල් ඡන්ද පත්‍රිකා මේ වනවිටත් සහතික කරන නිලධාරීන් වෙත මේ වනවිටත් යොමු කොට තිබෙනවා. තැපැල් ඡන්දය භාවිතා කරන ස්ථානවල කටයුතු අධීක්ෂණයට කටයුතු සම්පාදනය කර තිබෙනවා.
මෙම ඡන්ද විමසීම සාර්ථකව සිදු කිරීම සඳහා අවශ්‍ය කරන කටයුතු මේ වනවිට සංවිධානය කරමින් පවතිනවා. ඡන්දය භාවිතා කිරීමට කොළඹ දිස්ත්‍රික්කය පුරා ඡන්ද මධ්‍යස්ථාන 1174ක් ස්ථාපිත කර තිබෙනවා. මේ සඳහා අවශ්‍ය කාර්ය මණ්ඩලය පත් කිරීමේ කටයුතු මේ දිනවල සිදු කෙරෙනව. ඡන්ද ස්ථානාධිපතිවරු පුහුණු කිරීමේ කටයුත්තක් සිදු කරගෙන යනවා.
සමස්ත ගනන් කිරීමේ ශාලා 169ක් තිබෙනවා. ඉන් 25ක් තැපැල් ඡන්ද ගණන් කිරීමේ ශාලා වෙයි.තැපැල් ඡන්ද
ගණන් කිරීම සම්පූර්ණයෙන් ම සිදුවන්නේ රාජකීය විද්‍යාලයේ දී.තැපැල් දෙපාර්තමේන්තුවට නිල ඡන්ද පත්‍රිකා
බාර දීමේ කටයුතු සිදු කෙරුණා.ඡන්ද විමසීමේ කටයුතු සඳහා දැනටමත් මූලික කටයුතුවලට විශාල සේවක
පිරිසක් යොදවා ගනිමින් සිටිනවා. ඡන්ද විමසීමේ හා ගනන් කිරීමේ කටයුතු සඳහා 6000ක පමණ සේවක පිරිසක්
යොදවා ගන්නට බලාපොරොත්තු වෙනවා.ඡන්ද විමසීමට අදාළ කටයුතු පියවරෙන් පියර සාර්ථකව සිදු වෙනවා
යැයි ද සුනිල් කන්නන්කර මහතා පැවසීය.
