ජනාධිපතිවරණයෙහි නිල ඡන්ද දැන්වීම් පත්රිකා ඔක්තෝබර් මස 25 වනදා තැපැල් දෙපාර්තමේන්තුව වෙත භාර දීම සිදු විය.
මෙම නිල ඡන්ද පත්රිකා සතියේ දිනයන්ට අමතරව නොවැම්බර් මස 03 දින ද බෙදා හැරීම සිදු කරන බව බව තැපැල්පති රංජිත් ආරියරත්න මහතා රජයේ නිල පුවත් වෙබ්අඩවියට පැවසීය. නිල ඡන්ද පත්රිකා බෙදා හැරීම සඳහා ස්ථීර සේවකයින්ට අමතරව තාවකාලික සේවකයින් ද යොදා ගැනීමට බලාපොරොත්තු වන බව ඒ මහතා වැඩි දුරටත් කීය.
එමෙන් ම තැපැල් ඡන්ද දැන්වීම් පත්‍රිකාව බෙදා දීමේ විශේෂ දිනය ලෙස නොවැම්බර් 03 දින කටයුතු කෙරෙන බව මැතිවරණ කොමිෂන් සභාව ද සඳහන් කරයි. නිල ඡන්ද දැන්වීම් පත්රිකා බෙදා හැරීම නොවැම්බර් 09 දින අවසන් වෙයි.
නිවාස පනස් හතර ලක්ෂයකට නිල ඡන්ද පත්රිකා බෙදීමට නියමිත බව තැපැල්පතිවරයා සඳහන් කරයි. එමෙන් ම නිල ඡන්ද පත්රිකා බෙදා හැරීමට පැමිණෙන තැපැල් සේවකයින්ගේ ආරක්ෂාව සඳහා නිවාසවල සිටින සුනළයින් බැඳ තබන්නැයි ද තැපැල්පතිවරයා ඉල්ලීමක් කරයි.
එමෙන් ම යම් ලෙසකින් නිල ඡන්ද පත්‍රිකාව නොලැබුණු ඡන්ද දායකයෙක් වේ නම් ඔහුට තම ප්‍රදේශයේ තැපැල් කාර්යාලවට ගොස් තම අනන්‍යතාව තහවුරු කර නිල ඡන්ද පත්‍රිකාව ලබාගත හැකි බව මැතිවරණ කොමිෂන් සභාවේ අධ්‍යක්ෂ ( පර්යේෂණ හා සැලසුම් ) චන්න පී. ද සිල්වා මහතා රජයේ නිලපුවත් වෙබ් අඩවියට දන්වා සිටියේ ය.
