උතුරු අන්දමන් මුහුදු ප්‍රදේශය හා ගිනිකොණදිග බෙංගාල බොක්ක මුහුදු ප්‍රදේශය ආසන්නව අඩු පීඩන තත්වයක් වර්ධනය වී තිබෙන බව කාලගුණ විද්‍යා දෙපාර්තමේන්තුව නිවේදනය කරයි.
ඉදිරි පැය 06 තුළදී එය පීඩන අවපාතයක් දක්වා වර්ධනය වී වයඹ දෙසට ගමන් කරනු ඇතැයි එම දෙපාර්තමේන්තුව සදහන් කරයි.මෙම පද්ධතිය නැගෙනහිර-මධ්‍ය බෙංගාල බොක්ක මුහුදු ප්‍රදේශය ආසන්නව සුළි කුණාටුවක් දක්වා වර්ධනය වී වයඹ දෙසට ගමන් කරනු ඇත.මෙම තත්වය යටතේ මේ මුහුදු ප්‍රදේශ වල නාවික හා ධීවර කටයුතු වල නිරත වන පුද්ගලයන්ට මේ පිළිබදව අවධානයෙන් පසුවන ලෙස කාලගුණ විද්‍යා දෙපාර්තමේන්තුව අනතුරු අගවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
