කොළඹ නගරයෙහි පසුගිය දින දෙක තුළ පැවති වායු දූෂණ තත්ත්වය යහපත් තත්ත්වයට පත් වී ඇති බව ජාතික ගොඩනැගිලි හා පර්යේෂණ සංවිධානයේ ජ්‍යෙෂ්ඨ විද්‍යාඥ සරත් ප්‍රේමසිරි මහතා රජයේ නිල පුවත් වෙබ් අඩවිය කළ විමසීමකදී පැවසීය.
එසේම මේ වන විට කොළඹ නගරයේ වායු ගෝලයේ පවතින දූවිලි අංශු ප්‍රමාණයේද අඩුවක් ද නිරීක්ෂණය වූ බව ඒ මහතා මෙහිදී සඳහන් කළේය.
සුළ‍ං හමන දිශාවේ වෙනස් වීමක් නිසා මෙම තත්ත්වය ඇති වූ බවත් මෙම තත්ත්වය අප රට තුළ පමණක් නොව ඉන්දියාව, පාකිස්ථානය, බංගලාදේශය ආදී සමකය ආශ්‍රිත රටවල් කිහිපයකටම මෙහි බලපෑම පැවති බව ඒ මහතා කීය.
ජාතික ගොඩනැගිලි හා පර්යේෂණ සංවිධානය මේ සම්බන්ධයෙන් නිරන්තර අවධානයෙන් සිටින බවත් වායු ගෝලීය තත්ත්වයෙහි යම් වෙනසක් ඇති වුවහොත් ඒ පිළිබඳව ජනතාව දැනුවත් කරන බවත් මෙහිදී වැඩි දුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
