ජනාධිපතිවරණය වෙනුවෙන් මැතිවරණ රාජකාරි සඳහා අනියුක්ත ව ඇති නිළධාරීන් විවිධ සාවද්‍ය හේතු මත රාජකාරි පැහැර හැරීමට කටයුතු කිරීම නිරීක්ෂණයට ලක්ව ඇතිබවත්, ඒලෙස සාධාරණ හේතුවක් නොමැතිව සිදු කරන රාජකාරි පැහැර හැරීම් සම්බන්ධයෙන් අදාළ නිළධාරීන් සඳහා විධිමත් පරීක්ෂණයකින් අනතුරුව නීතිමය කටයුතු කිරීමට පියවර ගන්නා බව මැතිවරණ කොමිසමේ සභාපති මහින්ද දේශප්‍රිය මහතා පවසයි.
විධාන පැහැර හරින නිලධාරීන්ට එරෙහිව රුපියල් ලක්‍ෂයක දඩ මුදලක් සමඟ වසර 03 ක සිර දඬුවමක් ලබා දීමට හැකියාව ඇති බව බව මැතිවරණ කොමිසමේ සභාපති මහින්ද දේශප්‍රිය මහතා සඳහන් කළේ ය.
ඒ මහතා මේ බව ප්‍රකාශ කර සිටියේ ඊයේ (13) රජයේ ප්‍රවෘත්ති දෙපාර්තමේන්තු ශ්‍රවණාගාරයේ දී පැවැති මාධ්‍ය සාකච්ඡාවට එක්වෙමිනි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
