ජනාධිපතිවරණ ඉතිහාසයේ ප්‍රථම වතාවට බරපතල ප්‍රචණ්ඩ ක්‍රියා කිසිවක් සිදු වී නැතැයි මැතිවරණ කොමිසමේ සභාපති මහින්ද දේශප්‍රිය මහතා පවසයි.
ඒ මහතා මේ බව පවසා සිටියේ අද (16) සවස රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය සාකච්ඡාවේ දී ය.
අද දිනයට පමණක් සුළු සිදුවීම් 07 ක් වාර්තා වී ඇති බවත්, එමඟින් කිසිවෙකුට හානියක් හෝ බලපෑමක් සිදු නොවුණු බවත් ඒ මහතා ප්‍රකාශ කර සිටියේය.
ඒ අනුව මේ වෙනතෙක් ලැබී ඇති මුළු මැතිවරණ පැමිණිලි සංඛ්‍යාව 4,769 ක් වන බවත් ඒ මහතා කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
