විදේශ කටයුතු අමාත්‍යාංශයේ ලේකම් වශය‍ෙන් කටයුතු කරමින් සිටි රවිනාථ ආර්යසිංහ මහතා ජනාධිපති ගෝඨාභය රාජපක්ෂ මහතා විසින් යළිත් එම ධූරයට පත් කොට ඇත.
මෙම පත්වීම වහාම ක්‍රියාත්මක වන පරිදි ඊයේ (19) සිදු කොට තිබේ. ජීනිවා එක්සත් ජාතීන්ගේ සංවිධානයේ ශ්‍රි ලංකා නියේජිතයා වශයෙන්ද තානාපතිවරයෙකු වශයෙන්ද රටවල් ගණනාවක ම සේවය කොට ඇති ආර්යසිංහ මහතා, ශ්‍රි ලංකා විදේශ සේවයේ ජ්‍යෙෂ්ඨතම රාජ්‍ය තාන්ත්‍රිකයෙකි.
හිටපු ජනාධිපති මෛත්‍රිපාල සිරිසේන මහතා විසින් පසුගිය වසරේ ඔක්තෝබර් මාසයේ දී ද ඒ මහතා විදේශ ලේකම් ධූරයට පත් කරනු ලැබීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
