ජනාධිපති ගෝඨාභය රාජපක්ෂ මහතාට අමාත්‍ය මණ්ඩලයක් පත් කරගෙන ඔහුගේ ප්‍රතිපත්ති ක්‍රියාත්මක කරගෙන යාමේ දී අවශ්‍ය සහාය විපක්ෂයේ සිට ලබා දෙන බව සභානායක,අමාත්‍ය ලක්ෂ්මන් කිරිඇල්ල මහතා පවසයි.
අග්‍රාමාත්‍යවරයා සිය ධූරයෙන් ඉවත් වී ඇමැති මණ්ඩලයක් පත් කර ගැනීම සඳහා ජනාධිපති ගෝඨාභය රාජපක්ෂ මහතාට අවස්ථාව සලසා දෙනු ඇතැයි ද අමාත්‍ය ලක්ෂ්මන් කිරිඇල්ල මහතා පවසයි.
මෙම තීරණය ගැනීම සඳහා අමාත්‍යවරුන්ගේ රැස්වීමක් අද (20) පස්වරු 4.30ට අරලියගහ මන්දිරයේ දී පැවැත්වෙන බව ද ඒ මහතා රජයේ නිල පුවත් වෙබ් අඩවිය කළ විමසීමක දී පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
