ජනාධිපති ගෝඨාභය රාජපක්ෂ මහතාගේ සෞභාග්‍ය පෙරදැක්ම ප්‍රතිපත්ති ප්‍රකාශය අනුව වැඩකරන රටක් නිර්මාණය කරන්නට සහ මෙම රට ඉදිරියට ගෙනයන්නට තමාට භාර දුන් වගකීම නිසියාකාරව ඉටු කිරීමට කැප වී කටයුතු කරන බව කාන්තා හා ළමා කටයුතු රාජ්‍ය අමාත්‍ය ධුරයේ රාජකාරි අරඹමින් විජිත බේරුගොඩ මහතා පවසයි.
අද (28) සෙත්සිරිපාය කාන්තා හා ළමා කටයුතු හා සමාජ කටයුතු අමාත්‍යංශයේ දී සුභ මොහොතින් වැඩභාර ගනු ලැබීය.
මේ සඳහා සෞඛ්‍ය හා දේශීය වෛද්‍ය, කාන්තා හා ළමා කටයුතු සහ සමාජ කටයුතු අමාත්‍ය පවිත්‍රා වන්නිආරච්චි, හිටපු අමාත්‍ය ශෂින්ද්‍ර රාජපක්ෂ, අමාත්‍යංශයේ ලේකම් ශීලා මහානාම යන මහත්ම මහත්මීන් ඇතුළු විශේෂ ආරාධිත අමුත්තන් රැසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
