පිටරට වලින් ගෙන්වන භාණ්ඩ සීමා කොට දේශීය කර්මාන්ත නැංවීම මෙහි අරමුණ බව රජයේ ප්‍රවෘත්ති දෙපාර්තමේන්තුවේ අද(19) පැවති කැබිනට් තීරණ දැනුම්දීමේ මාධ්‍ය හමුවේදී සම කැබිනට් ප්‍රකාශක, අමාත්‍ය වෛද්‍ය රමේෂ් පතිරණ මහතා මේ බව පැවසීය.
ඒ අනුව සාම්ප්‍රදායික උළු, ගඩොල් හා කුඹල් කර්මාන්තයේ යෙදෙන සුළු කර්මාන්ත කරුවන්ට වැට් ලබා ගැනීම සඳහා පහසුකම් සැලසීම පිණිස වනජීවී සම්පත් හා පරිසර ඇමතිවරයා විසින් ඉදිරිපත් කළ යෝජනාවට ඇමති මණ්ඩල අනමැතිය හිමි වූ බවද ඒ මහතා කීය.
උළු, ගඩොල් හා කුඹල් කර්මාන්තයේ යෙදෙන නිෂ්පාදකයින්ට තම නිෂ්පාදන ක්‍රියාවලිය තිරසරව පවත්වාගෙන යාමට හැකිවන අයුරින් අමුද්‍රව්‍ය ලබා ගැනීමේදී දැනට පවතින් සංකීර්ණ බලපත්‍ර ක්‍රියාවලිය තවදුරටත් ලිහිල් කර වඩා කාර්යක්ෂමව හා පහසු ක්‍රමවේදයක් හඳුන්වා දීම සඳහන් ගංගා, ඉවුරු වැනි පරිසර සංවේදී ප්‍ර‍දේශවලට බලපෑමක් එමගින් සිදුනොවන බවට තහවුරු කර ගැනීම සඳහාත් අවශ්‍ය විධි විධාන සැලසීම පිණිස පතල් හා ඛනිජ ද්‍රව්‍ය පනතේ වගන්ති කිහිපයක් මේ අනුව සංශෝධනය කරන බවද රමේෂ් පතිරණ අමාත්‍යවරයා සඳහන් කළේය.
