ජනමාධ්‍යවේදීන් හට නව වොයිස් ඩේටා පැකේජය හඳුන්වාදීමට පියවර ගන්නා බව තොරතුරු හා සන්නිවේදන තාක්ෂණ රාජ්‍ය අමාත්‍ය ලක්ෂ්මන් යාපා අබේවර්ධන මහතා (24) තොරතුරු හා සන්නිවේදන තාක්ෂණ අමාත්‍යංශයේ දී පැවැති මාධ්‍ය හමුවේ දී කියා සිටියේය.
මෙම විශේෂ පැකේජය රජයේ ප්‍රවෘත්ති දෙපාර්තමේන්තුවේ ලියාපදිංචි වී ඇති මාධ්‍යවේදීන්ට ලබා ගත හැකි බවත්, ලියාපදිංචි වී නොමැති අනිකුත් මාධ්‍යවේදීන්ට ද එහි ලියාපදිංචි වීමෙන් පසු එම පැකේජය ලබා ගැනීමට හැකි බව පැවසූ
අමාත්‍යවරයා, ඒ සම්බන්ධව විදුලි සංදේශ නියාමන කොමිසම සමඟ එක් ව ඊට අවශ්‍ය කටයුතු කරන බව ද පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
