ගෞරවනීය පොලිස් සේවයක් ඇති කළ යුතු බවත් වසර දහයක සේවා කාලයක් සම්පුර්ණ කර ඇති සියලුම පොලිස් නිළධාරීන්ට උසස්වීම් ලබා දීම කල යුතු බවත් ආරක්ෂක රාජ්‍ය අමාත්‍ය චමල් රාජපක්ෂ මහතා පවසයි. අමාත්‍යවරයා මේ බව කියා සිටියේ පසුගිය දා (23) අම්බලන්තොට ප්‍රදේශයේ පැවති වැඩසටහනක දී ය.
එමෙන්ම, බාධාවකින් තොරව නීතිය ක්‍රියාත්මක කිරීමේ හැකියාව තිබිය යුතු බවත්, ආත්මගරුත්වයක් ඇතිව රාජකාරිය කිරීමේ අවශ්‍යතාවයත් මෙහි දී සඳහන් කර සිටි අමාත්‍යවරයා, වසර දහයක සේවා කාලයක් සම්පුර්ණ කර ඇති සියලුම පොලිස් නිළධාරීන්ට උසස්වීම් ලබා දීමට අදාළ කැබිනට් පත්‍රිකාව මේ වන විට ඉදිරිපත් කර ඇති බව ද ඒ මහතා මෙහි දී සඳහන් කරන ලදී.
එමෙන්ම වර්තමාන රජය විසින් දේශපාලන අවශ්‍යතා මත කිසි විටෙක පොලිසියට බලපෑම් කිරීම් සිදු නොකරන බව ද අමාත්‍යවරයා ප්‍රකාශ කර සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
