කොළඹ කොටුව හා කන්කසන්තුරේ අතර ධාවනය කෙරෙන අංක 87 සහ අංක 88 යන දුම්රියයන් මේ වන විට පරීක්ෂණ ගමන් වරයන් ලෙස ධාවනයේ යොදවා ඇත. එම දුම්රියයන් හි කාල සටහන් යථාවත් කිරීම සහ ඊට අඩු මගී ඉල්ලීමක් පවතින බැවින් 2019.12.31 දිනෙන් පසු ධාවනයෙන් ඉවත් කරනු ලැබේ. එම දුම්රියයන් දෙක මින් පෙර ධාවනය කළ කොළඹ කොටුව, තලෙයිමන්නාරම අතර ධාවනයට නැවත එක් කරනු ලැබේ.

ඒ අනුව, 2020.01.01 දින සිට රාත්‍රී 07.15 ට කොළඹ කොටුවෙන් ගමන් ආරම්භ කරන අංක 67 දරණ දුම්රිය සඳුදා අළුයම 3.25 ට තලෙයිමන්නාරමට ලඟාවීමට නියමිත වන අතර, 2020.01.01 දින සිට රාත්‍රී 08.25 ට ගමන් කරන නව දුම්රිය පසුදා අළුයම 04.40 ට කොළඹ කොටුවට ළඟා වීමට නියමිතව ඇත.