ජනවාරි 01 දා සිට පෞද්ගලික බස් රථවල මඟින්ට හිංසා වන පරිදි අධික ශබ්දයෙන් යුතු ගිත වාදනය කිරිම තහනම් කිරිමට පියවර ගෙන ඇති අතර එයට පිළියමක් ලෙසින් සියලු පෞද්ගලික බස් රථ සඳහා සුභාවිත ගීත දහසකින් යුත් ගීත සමුච්චයක් හඳුන්වාදීමට පියවර ගෙන තිබේ.
එය මේ මස 31 වෙනි දින එනම් හෙට දින මාකුඹුර බහුවිධ ප්රවාහන මධ්‍යස්ථානයේදී රථ රියදුරන් වෙත බෙදාදීම පෙරවරු 10.00 ට මගී ප්රවාහන කළමණාකරණ අමාත්‍ය මහින්ද අමරවීර මහතාගේ ප්‍රධානත්වයෙන් පැවත් වෙන බව මගී ප්රවාහන කළමණාකරණ අමාත්‍යාංශය රජයේ නිල වෙබ් අඩවිය කළ විමසිමක දී පැවසීය.
මිට අමතරව පෞද්ගලික බස් රථ සම්බන්ධයෙන් පැමිණිළි සඳහා 1955 යන දුරකතන අංකයට දැනුම් දෙන ලෙස අමාත්‍යාංශය පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
