කැළණි ගඟ ආශ්‍රිත අවිස්සාවෙල්ල සිට වැල්ලම්පිටිය දක්වා ප්‍රදේශයේ මහජනතාව සතු ඉඩම් මහජනතාව බියගන්වා අඩු මිලට මිලදීගෙන පසුව එම ඉඩම් නීති විරෝධී ලෙස ගොඩකර වැඩි මිලට අලෙවි කිරීමේ හා කප්පම් ලබා ගැනීමේ ක්‍රියාකාරකම් හි යෙදෙන සංවිධානාත්මක අපරාධ කණ්ඩායම් මැඩලීම සඳහා විශේෂ මෙහෙයුම් ඒකකයක් පෑලියගොඩ ස්ථාපිත කොට ඇත.
බස්නාහිර පළාත උතරු දිසාව භාර නියෝජ්‍ය පොලිස්පති වරුණ ජයසුන්දර මහතා යටතේ මෙහි අධීක්ෂණ කටයුතු සිදු කෙරේ.
එම ප්‍රදේශයේ සිදුවන එවැනි නීති විරෝධී සහ අනවසර ඉඩම් ගොඩ කිරීම් මෙන්ම කප්පම් ගැනීම සම්බන්ධයෙන් වන මහජනතාව සතු තොරතුරු මෙම විශේෂ මෙහෙයුම් ඒකකය වෙත රහසිගතව හා විශ්වාසදායීව ලබා දීමට විශේෂ දුරකථන අංකයක්ද හඳුන්වා දී ඇතැයි ආරක්ෂක අමාත්‍යංශය නිවේදනයක් නිකුත් කරමින් සඳහන් කරයි.
එම දුරකථන අංකය 071 3680001 වේ
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
