එකී අධ්‍යාපන කේන්ද්‍රය තුළ මේ වන විට දකුණු ආසියාවේ විශාලතම ද්විතියික පාසල වන මහින්ද රාජපක්ෂ විද්‍යාලය, නැනෝ තාක්ෂණික උද්‍යානය, හරිත සරසවිය, කිරුම් මිනුම් පිලිබඳ ජාත්‍යන්තර මධ්‍යස්ථානය, පෙළ පොත් ගබඩා සංකීර්ණය, ටෙලිකොම් දත්ත ගබඩාව සහ ජ’පුර විශ්ව විද්‍යාලයේ තාක්ෂණ පීඨ, මොරටුව විශ්ව විද්‍යාලයේ තාක්ෂණ පීඨය යනා දී වශයෙන් ඉතා වැදගත් මධ්‍යස්ථාන රාශියක් කේන්ද්‍රියව පවතී.
එමෙන්ම, එම ප්‍රදේශය තුළ මානව සම්පත් සහ අනිකුත් භෞතික සම්පත් ලබා ගැනීමේ වැඩිම ප්‍රදේශය ලෙස ද හෝමාගම ප්‍රදේශය හඳුන්වා දුන් ඒ මහතා ඉ-තාක්ෂණය සඳහා අවශ්‍ය තාක්ෂණික උපකරණ යෙදවුම් රැහැන් ආදිය ද එම ප්‍රදේශය සතුව පවතින බවත් ඒ අනුව, වඩාත් නිවැරදි ස්ථානගත කිරීමක් ඉ-ඉගෙනුම් සම්පත් මධ්‍යස්ථානය සඳහා පවතින බවත් අමාත්‍යවරයා විසින් සඳහන් කර සිටියේය.
ඒ අනුව, වඩා ඵලදායී ලෙස යොදවා ගැනීම පිණිස ඉ-ඉගෙනුම් සම්පත් මධ්‍යස්ථානයක් හෝමාගම පිටිපන ප්‍රදේශයේ ඉදි කරන ලෙසට අධ්‍යාපන ඇමතිවරයා විසින් ඉදිරිපත් කළ යෝජනාවට අමාත්‍ය මණ්ඩලයේ අනුමැතිය හිමිව තිබේ.
