සීගිරිය පර්වතය මුදුනේ පිහිටි නන තටාකයේ ස්ථාන කිහිපයක වර්ණය වෙනස් වීම පිළිබඳ ව වාර්තාවීමත් සමඟ ඒ පිළිබඳ ව විශේෂ පරීක්ෂණයක් මේ වන විට ආරම්භ කර ඇති බව ද, අදාළ සිදුවීම සම්බන්ධයෙන් සොයා බලා වාර්තා කරන ලෙස ප්‍රාදේශීය අධ්‍යක්ෂවරයාට දැනුම් දී ඇති බව ද, මේ පිළිබඳ ව රජයේ නිල පුවත් අඩවිය කළ විමසීමක දී පුරාවිද්‍යා අධ්‍යක්ෂ ජනරාල් මහාචාර්ය පී.බී.මණ්ඩාවල මහතා ප්‍රකාශ කළේය.
ගලේ පෘෂ්ටයේ ස්ථාන දෙකක මෙම වෙනස්කම් සිදු ව ඇති බවත්, එකී ස්ථාන වල කලු ගලේ වර්ණය සුදු පැහැය ගන්නා බවත් පැවසූ මහාචාර්ය මණ්ඩාවල මහතා කියා සිටියේ ඒ පිළිබඳව වාර්තා කිරීමට යන නිළධාරීන් ලබා දෙන වාර්තාවට අනුව එකී පෘෂ්ටයන්ගේ පැහැයේ වෙනස්වීම සම්බන්ධව සොයා බැලීම සඳහා රසායනාගාර නිළධාරීන් යොමු කරවන බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
