එහිදී මෙම නව වැඩපිළිවෙළ ආරම්භය සනිටුහන් කරමින් ප්‍රධාන තැපැල් කාර්යාල කිහිපයක් නවීකරණය කිරීමට කටයුතු යොදා ඇත. ඒ යටතේ කොළඹ මධ්‍යම තැපැල් කාර්යාලය, මාතර මාක‍ඳුර තැපැල් කාර්යාලය, හෝමාගම, පේරාදෙණිය, කොම්පඤ්ඤ වීදිය, කුරුණෑගල යන තැපැල් කාර්යාල මුල් අදියර තුළදී නවීකරණය කිරීමට නියමිතය. මුල් අදියරේ කටයුතු ලබන අප්‍රේල් මස වන විට අවසන් කිරීමට බලාපොරාත්තු වන බවද අමාත්‍යවරයා පැවසීය.
එසේම දිවයින පුරා උප තැපැල් කාර්යාල 500 ක්ද පරිගණකගත කිරීමේ කටයුතු මේ යටතේ ආරම්භ වන බව ඒ මහතා වැඩි දුරටත් කීය. ජනතාව වෙත සියලු සේවා පහසුකම් ලබා ගත හැකි විධිමත් තැපැල් කාර්යාල ජාලයක් ස්ථාපිත කිරීම මෙහි ප්‍රධාන අරමුණ බව ද අමාත්‍යවරයා සඳහන් කළේය.
