මෙතෙක් ජනාධිපති අතිරේක ලේකම්වරයෙකු ලෙස කටයුතු කළ, එසේම රජයේ ප්‍රවෘත්ති අධ්‍යක්ෂ ජනරාල් තනතුරේ වැඩ බැලීමට පත් කර සිටි නාලක කලුවැව මහතා ජනවාරී 01 වැනි දින සිට පූර්ණ කාලීනව ප්‍රවෘත්ති අධ්‍යක්ෂ ජනරාල් වශයෙන් පත් කිරීමට 2020.01.08 වැනි දින රැස් වූ අමාත්‍ය මණ්ඩල තීරණය කර ඇත.
මීට අදාළ පත්වීම් ලිපිය අමාත්‍ය මණ්ඩල ලේකම් එස් අමරසේකර මහතා විසින් නාලක කලුවැව මහතා වෙත ලබාදීම 2020.01.13 වැනිදින අමාත්‍ය මණ්ඩල ලේකම් කාර්යාලයේදී සිදු කෙරිණි.
නාලක කලුවැව මහතා ශ්‍රී ලංකා පරිපාලන සේවයේ පළමු (i) පන්තියේ ජ්‍යෙෂ්ඨ නිලධාරියෙකු වන අතර මාධ්‍ය ක්ෂේත්‍රයේ ද වසර 10ක පමණ කාලයක් විවිධ තනතුරු දරා ඇති අත්දැකීම් සහිත නිලධාරියෙකි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
