උතුරේ ජනතාවගේ ගැටලු පිළිබඳ සොයා බැලීම සඳහා ජනාධිපති ගෝඨාභය රාජපක්ෂ මහතා ජනවාරි මාසය තුළ යාපනයේ සංචාරය කිරීමට නියමිත බව විදුලි බල රාජ්‍ය ඇමති හා රජයේ මාධ්‍ය ප්‍රකාශක මහින්දානන්ද අලුත්ගමගේ මහතා පවසයි.
රාජ්‍ය අමාත්‍යවරයා මේ බව පැවසුවේ, අද (15) විදුලිබල අමාත්‍යාංශයේ පැවැති මාධ්‍ය හමුවක දීය.
ජාතික ගීය දෙමළ බසින් ගායනා කළ යුතුයි වැනි බොරු ගැටලු නොව උතුරේ ජනතාවට ඇති සැබෑ ගැටලු හඳුනාගෙන ඒවාට විසඳුම් ලබා දීම රජයට අවශ්‍ය බව ද ඇමතිවරයා පැවසීය.
එසේම වතුකර ජනතාවගේ හා උතුරේ ජනතාවගේ ආර්ථිකය ශක්තිමත් කිරිම තම රජයේ මුලික අරමුණ බව ද ඇමතිවරයා වැඩිදුරටත් කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
