තොරතුරු හා සන්නිවේදන තාක්ෂණ, උසස් අධ්‍යාපන, තාක්ෂණ සහ නවෝත්පාදන අමාත්‍ය ආචාර්ය බන්දුල ගුණවර්ධන මහතා අද (19) හෝමාගම, දියගම ප්‍රදේශයේ පිහිටි මොරටුව විශ්වවිද්‍යාලීය තාක්ෂණික ආයතනය තුළ නිරීක්ෂණයක නිරත විය.
එම ආයතනය තුළ පිහිටි පේෂකර්ම හා රෙදිපිළි, පරිගණක, රසායන, ඉලෙක්ට්‍රොනික, යාන්ත්‍රික, වඩුවැඩ ආදී පාඨමාලා පැවැත්වෙන ස්ථාන මෙන්ම ශිෂ්‍ය නේවාසිකාගාරය, ශ්‍රවණාගාරය සහ ආපනශාලාව ද නිරීක්ෂණය කළ අමාත්‍යවරයා එහි අධ්‍යාපනය ලබන සිසු සිසුවියන් සමඟ සුහඳ කතාබහක ද නිරත විය.
මෙම අවස්ථාවට හෝමාගම තාක්ෂණික ආයතනයේ නිසි බලධාරී සුනිල් ජයන්ත නවරත්න මහතා ඇතුළු එම ආයතනයේ ආචාර්යවරුන් ද සහභාගී විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
