යුද තත්ත්ව හේතුවෙන් වසා දමා ඇති කන්කසන්තුරේ සිමෙන්ති කර්මාන්ත ශාලාව නැවත විවෘත කිරිමේ හැකියාව සම්බන්ධයෙන් අමාත්ය විමල් විරවංශ මහතා හා යාපනේ ආරක්ෂ අංශ සමඟ මූලික වටයේ සාකච්ඡාවක් පැවැති වූ බව කර්මාන්ත හා වානිජ කටයුතු අමාත්‍යාංශයේ ලේකම් ජේ.ඒ.රංජිත් මහතා රජයේ නිල පුවත් වෙබ් අඩවියට පැවසීය.
කෙසේ වුවද,මේ සම්බන්ධයෙන් ප්‍රායෝගික ගැටලු ප්‍රධාන වශයෙන් කාරණ දෙකක් හඳුනාගෙන තිබෙන බව ඒ පාරිසරික හා ඉඩම් ගැටළුව බව ලේකම්වරයා පැවසීය. ඒ අනුව, මේ වන විට විකල්ප ඉඩම් අක්කර 300ක් පමණ ප්‍රමාණයක් හඳුනාගෙන ඇති අතර ඒ සම්බන්ධයෙන් වන ශක්‍යතා වාර්තාව සකස් කරමින් පවතින බවද කීය.
මිට අමතරව වසා දමා ඇති වාලච්චේන කඩදාසි කර්මාන්ත ශාලාව සහ ඔඩ්ඩුසුඩාන් පිහිටි පිඟන් සංස්ථාවට අයත්, භුමියේ උළු හා ගඩොල් කර්මාන්තය හැකි ඉක්මනින් ආරම්භ කිරීමට පියවර ගෙන ඇතැයි ද අමාත්‍යාංශයේ ලේකම් ජේ. ඒ. රංජිත් මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
