නේපාලයේ ලුම්බිණිය ඇතුළු බෞද්ධ සිද්ධස්ථානවල සංචාරය කිරීමට කිසිදු බියක් ඇති කර ගත යුතු නැතැයි නේපාලයේ වැඩවසන සමස්ත නේපාල භික්ෂු සංගමයේ සභාපති,ලුම්බිණි සංවර්ධන මණ්ඩලයේ උපදේශක,ජාත්‍යන්තර බෞද්ධ සංගමයේ අධ්‍යක්ෂ පූජ්‍ය නේපාලයේ මෛත්‍රී හිමියෝ පවසති.
මේ දිනවල චීනයේ ව්‍යාප්ත වන කොරෝනා වෛරස් රෝගයෙන් ආරක්ෂා වීම සඳහා සියළු සෞඛ්‍ය කණ්ඩායම් සූදානම් බවත් ඉන්දියානු සහ නේපාල දේශ සීමාවල එම විශේෂඥ වෛද්‍යවරුන්ගෙන් සමන්විත පැය 24 පුරා ම ක්‍රියාත්මක විශේෂ මුරපොළවල් යොදවා ඇති බවත් රජයේ නිල පුවත් වෙබ් අඩවියට අදහස් දක්වමින් මෛත්‍රී හිමියන් සඳහන් කළහ.
කොරෝනා වෛරසය හේතුවෙන් කිසිදු බියක් ඇති කරගත යුතු නැති බවත් නේපාලයේ ලුම්බිණි ඇතුළු බෞද්ධ ආගමික සිද්ධස්ථාන වැඳපුදා ගැනීමට ශ්‍රී ලාංකිකයින් කිසිදු බියක් ඇති කරගත යුතු නැති බව ද උන්වහන්සේ සඳහන් කළහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
