72 වන ජාතික නිදහස් දින සැමරුමට සමගාමීව දිවයින පුරා ක්‍රියාත්මක රුක් රෝපණ වැඩසටහන අනුව යමින් රජයේ ප්‍රවෘත්ති දෙපාර්තමේන්තුව අද (4) දෙපාර්තමේන්තු පරිශ්‍රයේ දී පැලයක් රෝපණය කළේ ය.
රජයේ ප්‍රවෘත්ති අධ්‍යක්ෂ ජනරාල් නාලක කළුවැව මහතාගේ සුරතින් පැල රෝපණය සිදු කෙරිණි. “සුරක්ෂිත දේශයක් - සෞභාග්‍යමත් රටක්” තේමාව යථාර්තයක් කිරීම සඳහා අහාර, ඖෂධ යන දේශීය ශාක අවශ්‍යතාවය සැපිරීම සඳහා සුරැකි පරිසරයක සුවැති, හිතැති අනාගතයකට නව පියවරක් තැබීම සඳහා අතිගරු ජනාධිපතිතුමා ප්‍රමුඛ රජය ගෙන යන වැඩපිළිවෙලට දායක වීම අරමුණු කරගමින් රජයේ ප්‍රවෘත්ති දෙපාර්තමේන්තුව අද දින මෙම රුක් රෝපණ වැඩසටහනට දායක විය.
මේ අවස්ථවට දෙපාර්තමේන්තුවේ නිලධාරිහු ද එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
editor@news.lk
