ඉන්දීය රාජ්‍ය සංචාරයේ නිරතව සිටින අග්‍රාමාත්‍ය මහින්ද රාජපක්ෂ මහතා සහ ඉන්දීය ජනාධිපති රාම්නාත් කෝවින්ද් මහතා අතර ද්වීපාර්ශ්වික සාකච්ඡා ( 08) පස්වරුවේ නව දිල්ලියේ රාෂ්ට්‍රපතිභවන් හීදී පැවැත්විණි.
මෙහිදී ශ්‍රී ලංකාවත් ඉන්දියාවත් අතර පවත්නා ද්වීපාර්ශ්වීය සබඳතා තවදුරටත් ශක්තිමත් කර ගැනීම පිළිබඳව අවධානය යොමු කෙරුණු අතර දේශපාලන, සංවර්ධන, ආරක්ෂක, වෙළෙඳ, සංස්කෘතික ක්ෂේත්‍රවල දෙරට අතර පවතින සබඳතා වැඩිදියුණු කර ගැනීම පිළිබඳව ද දීර්ඝව සාකච්ඡා කරන ලදි.
වෘත්තීය පුහුණු සහ රාජ්‍ය සේවා ඇතුළු ක්ෂේත්‍රවල පුහුණූ අවස්ථා ඇති කිරීමට ඉන්දීය රජයේ සහාය පිළිබඳව ද මෙම සාකච්ඡාවේදී වැඩිදුරටත් අවධානය යොමු කෙරිණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
