සිව් දින නිල සංචාරයක නිරත වී සිටින ශ්‍රී ලංකා අග්‍රාමාත්‍ය මහින්ද රාජපක්ෂ මහතා උත්තර ප්‍රදේශයේ පිහිටි අධ්‍යාත්මික නගරයක් ලෙස සැළකෙන වරනාසි නගරයට පමිණි බව ඉන්දීය මාධ්‍ය වාර්තා කර තිබේ.
අග්‍රාමාත්‍යවරයා එහි ගුවන්තොටුපළේ දී උණුසුම් ලෙස පිළිගෙන තිබේ. සංචාරය අතරතුර,කාෂී (Kashi) ,විශ්වනාත් විහාරය (Vishwanath temple), (Kalbhairav), මෙන් ම සවස් වරුවේ සාරානාත් ( Saranath) පුදබිමද වන්දනා කිරීම සඳහා සංචාරය කිරීමට නියමිතය.
එමෙන් ම අග්‍රාමාත්‍යවරයා මූලගන්ධකුටි විහාරය වැඳ ආශිර්වාදය ලබාගැනීමට ද නියමිතය.එමෙන් ම අග්‍රාමාත්‍යවරයා සරානාත් කෞතුකාගාරය ද දැක්බලාගැනීමට නියමිත බව මහබෝධී සමාගමේ සම ලේකම් මේධංකර හිමියන් ඉන්දීය මාධ්‍ය වෙත ප්‍රකාශ කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
